童年回憶
Playstation初代機電子錶

係呢度睇開錶嘅,年紀最細應該都有90後,相信都對Playstation初代機有啲印象。最近有隻官方授權嘅初代PS主機電子錶登場,都算還原得幾足,售價為 £19.99 英鎊,質素當然同瑞士錶冇得比,但買返屋企玩玩都無傷大雅,始終兩百蚊都唔洗,值得買嚟過往見證簡單粹嘅美好時光!

今次Paladone推出呢隻Playstaion電子錶,獲得Sony官方授權,以1994年推出的初代Playstation為概念,全灰色主機上印有經典彩色Logo,一望回憶已經返哂嚟!操作非常簡單,左邊Power按鈕係開關顯示,右邊Open按鈕就係轉換不同模式,調校至時間、日期及秒數顯示。

戴錶一定揀返隻有牌子,又要造工精細,四四正正,先襯得起自己年齡身份?又冇咁規定嘅!有時戴隻玩味感重啲嘅手錶出街,膠錶又好,公仔錶又好,其實都冇咩問題吖~更唔好講今次呢隻童年回憶Playstation膠錶,極有懷舊感,最適合一眾大細路。

購買連結按此