Tudor Black Bay家族龐大，不過講到最eye-catching的一款，一定唔少得用上PVD黑鋼的Black Bay Dark，All Black設計多了一分軍錶風味，行開型格風或軍事風的你最適合！
其實Black Bay Dark都係鋼錶，不過就特別在磨砂鋼之上鍍上一層黑色PVD，而黑色潛水錶圈就係用黑色陽極氧化鋁字圈，兩種材質層次分明，全黑設計的確非常煞食。
與其他Black Bay一樣，呢款79230DK配置MT5602自家機芯，具備C.O.S.C.天文台認證，係公認有口碑的機芯；另外亦配置200米防水及70小時動儲，合格有餘，以二萬多價錢來說可謂十分抵玩。
設計方面，當然唔少得一貫的雪花針及圓拱形藍寶石水晶鏡面，41mm錶徑的它，錶面以黑白簡單的雙色設計為主，而防水深度指示及三角標記特別用上紅色，係Black Bay Dark獨有，更加有軍錶感覺，甚至令人諗起Rolex人氣王Sea-Dweller的單紅設計！
鋼帶及皮帶各有風味，仿古皮帶表層有顆粒，感覺比較粗獷；鋼帶款就全部用上PVD黑鋼，經黑色霧面特別處理，質感獨特。不過，因為另外配置Tudor官方鋼帶比較昂貴，所以建議先買鋼帶款，再額外購置皮帶比較划算。
