【IWC 150歲喇】六大系列你認識幾多?

IWC哩個牌子大家可能聽就聽得多喇,佢地原來已經有150週年歷史,但唔知您地對佢六個系列又有幾熟識呢?

IWC (International Watch Company) 來自瑞士,創辦人係美國波士頓工程師Florentine A.Jones。IWC係1868年創立,數數手指都已經有150年製錶歷史㗎啦。而IWC分為六個系列,每個系列由錶面到錶身都有唔同既獨特之處,等我地為大家簡單咁介紹下啦。
  1. 飛行員 Pilot

作為一隻出色嘅Pilot腕錶,功能實用同耐用係不可缺既賣點。Pilot Watch顧名思義,係以前一開始設計比機師用既錶改進而成,通常設有兩至三個小指針及刻度圈,可以比飛行員計算方位、速度及高度等,而錶身嘅設計比較繁複,簡單清晰中帶點復古,適合鍾意vintage風嘅您。

2. IWC 葡萄牙 Portugieser

Portugieser系列係源自兩位葡萄牙商人向IWC訂購了同航海計時器一樣咁精準嘅錶,作為IWC的皇牌系列,最頂級的IWC錶特色工藝都可以係Portugieser系列搵到,例如陀飛輪,月相、萬年曆等,雖然配搭上有不同繁複功能,但係哩個系列嘅面盤設計依舊簡單美觀。

-29%
Enquiries

3. 柏濤菲諾 Portofino

Portofino系列係以一直為世界富豪與名流的聚會之地一義大利的利古裡亞海岸、熱那亞市旁的漁村柏Portofino為系列命名,所以款式以簡單為主,營造一個休閒又實用的錶款。哩個系列嘅錶經典、高雅同低調,價錢比較親民,而錶面用羅馬數字刻度嘅佈局,令讀時更加清晰。

-32%
Enquiries

4. 達文西 Da Vinci

首隻Da Vinci腕錶係喺1969年巴塞爾鐘錶展上亮相,因為外型簡單且復古,所以成為暢銷錶款。哩個系列曾經都推出過酒桶型錶殼,但直至2017年再度回歸圓型錶殼及推出完整的女錶型號,其中唯一不變嘅係Da Vinci系列具辨識度的錶耳設計,比一般手錶設計直身,令戴上手時就會貼服舒適又較美觀。

-25%
Enquiries

5. 工程師 Ingenieur

Ingenieur系列嘅成功史可以追溯到1950年代,當時越來越多嘅科技產品產生電磁輻射場,影響腕錶嘅精準性,而工程師們更常在電磁輻射場內工作,為咗改善呢個問題,IWC於是推出專為工程師而設的Ingenieur系列。Ingenieur系列設計由1970年代鐘錶設計師Gérald Genta從潛水服頭盔中取得靈感,堅固嘅潛水服頭盔錶殼設計成為咗系列嘅特徵。

6. 海洋時計 Aquatimer  

IWC在1967年首次推出具有旋轉內錶圈的海洋時計系列腕錶,具有200米的防水性能。除此之外,Aquatimer系列腕錶使用了青銅與橡膠塗層的錶殼設計,提高自製機芯的運用,連好多運動腕錶都有參考哩個設計㗎。最特別嘅地方在於採用旋轉內錶圈設計,刻度會比其他系列嘅粗,更具備雙色夜光塗層,就算深海潛水時都可以清晰讀時。