唔好再話Rolex Sports Watch悶喇，有冇問過Yacht Master先？ Yacht Master一向走優雅運動風，淨係個立體浮雕錶圈及新鮮配色已經夠吸引，襯到衫又夠特別，最受年青一代的錶迷歡迎！
其實Yacht Master早在1992年已經推出，不過在2015年BaselWorld時，Rolex一於為佢改頭換面，就連依加大受歡迎的Oysterflex膠帶，都係率先係Yacht Master上試水溫，睇得出Rolex都視買Yacht Master的錶迷為接受能力夠高的一群！雖然Yacht Master 外表同Submariner非常相似，不過作為遊艇揚帆出海用手錶，以及Rolex比較年輕的系列，Yacht Master主要在以下幾點展現與別不同：
立體浮雕錶圈
如果大家有留意，Submariner、GMT Master II等陶瓷錶圈，其實係通過刻鑄數字和刻度，再以PVD技術鍍上一層鉑金、黃金等貴金屬，然後沉積在凹槽當中，面層再經拋光，陶瓷硬身又不易刮損，非常適合運動錶。
至於Yacht Master的錶圈，以玫瑰金、鉑金等貴金屬製成，並採用浮雕處理，拋光數字與啞光磨砂呈現兩種質感，加上數字偏大及闊身，顯得大方貴氣，相比起陶瓷圈的功能性，Yacht Master的貴金屬圈更多係強調貴氣及美觀，追求外表的錶迷必定喜歡。
獨特材質及配色
大部分Rolex Sports Watch都係用黑、藍等深色系，雖然亦有搶眼的Milgauss電鍍藍面，但又略嫌太過非主流。
Yacht Master幾種顏色配搭新鮮得嚟不失優雅，無論玫瑰金配朱古力面，又或者灰圈藍針，同樣令人眼前一亮！相信大家都估唔到，Rolex在經典外型不變的大前提下，都可以咁stylish同fashionable。
雙向旋轉外圈、兩個尺寸
Yacht Master雖然擁有一定防水（100米／330呎），不過因為唔係潛水錶嘅緣故，錶圈可以雙向旋轉，方便佩戴者計算唔同時間。
另外，有別於運動錶系列只有一個尺寸的常規，朱古力面及灰面分別有40mm及37mm兩個尺寸，加上顏色夠中性，唔少人都鐘意買嚟當情侶錶佩戴。
