VC個中文名「江詩丹頓」已經改得非常出色，優雅又有氣勢，估唔到連系列名都改得好好聽，例如以下介紹的Overseas系列，中文名叫「縱橫四海」，令人諗起發哥套經典電影，霸氣又入屋呀！
Overseas係VC的運動錶系列，一向以斯文儒雅的運動錶見稱，在實用俐落的外型下，蘊含俐落簡潔的線條美，以及優雅細膩的打磨細節，令Overseas的定位唔只係單純運動錶，更加可以作為一隻business watch，甚至係dress watch而存在！呢點亦係普通運動錶如Omega、Tudor等就算幾熱門，但亦未能夠涉足的行列。
Overseas的設計相當有特色：立體六齒馬爾他十字錶圈層次感十足，錶殻及錶扣都藏有VC Logo馬爾他十字，整體設計帶有少少復古嘅雅緻，辨識度極高。再者，馬爾他十字錶圈令手錶唔會太過圓潤，立體的稜角帶幾分硬朗，的確比其他牌子的運動手錶獨特～
最後不得不提日內瓦錶記，係歷史悠久嘅品質保證，極有權威性，唔只講求性能、精準，就連打磨細節都有要求，更會追求「血統純正」，規定所有機芯和其他元件的組裝、調校、裝嵌以及腕錶整體的檢測步驟必須喺日內瓦境內完成，接近係最高級的機械錶標準！
