Latest

Jaeger-LeCoultre 宣佈將保養期延長至八年

Posted on by Mei Chan
08
May
雖然一般手錶都會有大概兩年的保養期，但通常喺呢段期間都唔會壞，而係喺五、六年左右開始出現小問題⋯⋯

對自己手錶品質有信心的品牌，就會藉提延長保養期，話畀大家聽因為產品的非人為損毀機率極低，所以根本唔驚成本因而提高😏！

Patek Philippe的終生保養承諾相信大家耳熟能詳，而市場佔有率極高的Rolex及Omega亦在近年相繼將保養期提升至五年，另外Breitling、AP及Richard Mille都有五年保養，的確令消費者更加安心🧡

不過，Jaeger-LeCoultre近日就出大技，公佈「Care Program安戶安心服務計劃」，只要在網上註冊，就可以將保養期提高至八年😧！而且，品牌仲會提供一連串個人化體驗，包括可以喺JLC店內檢查或雕刻時計，亦可以喺網上向工匠了解鐘錶的特性、歷史和功能，並獲得個人化的使用及保養建議 ✨

咁舊用家有冇份呢？ 只要你的手錶未過保養期，都可以註冊Care Program，就連Atmos空氣鐘都有份㗎🕰～

相信大家都非常歡迎JLC呢個政策，始終本身JLC得一或兩年保養，就算對品牌的出品有信心，都未免會有多一層考慮🧐～當然，最好愈嚟愈多品牌都延長保養期，集體提升品質，長遠嚟講對鐘錶界絕對百利而無一害！

Mei Chan