前日碧咸突然現身香港，估唔到其實係出席Tudor官方活動！雖然只係快閃出現咗五分鐘，不過就公佈咗新錶Glamour Double Date，睇得出Tudor的確幾重視香港市場～ 咁究竟呢隻Glamour Double Date有幾勁，要特地Call碧咸過嚟香港宣傳？
繼一手捧紅Black Bay S&G後，今次Beckham就戴上比較斯文的Glamour Double Date，承載自家機芯MT5641，並配備70小時動儲及背透，錶面則有清晰的雙面大日曆顯示及小秒針盤，以及午夜瞬跳功能；42mm錶徑作為dress watch可能偏大，但就迎合咗近年流行的大錶面趨勢～
雖然只係常見的小三針款，不過設計其實都幾有心思：唔少人第一眼都會發現雙錶圈，而且錶面有兩個同心圓環，分別以直紋及太陽射紋處理，獨特之餘又夠層次感，添加一份儒雅，亦比以前的Glamour款特別唔少！
顏色方面，錶面有銀色、黑色、香檳色和蛋白色選擇，而價錢仍然係Tudor一貫的親民價，唔知大家又覺得啱唔啱心水？
應該唔少人都知，碧咸一直好鐘意戴Sports Watch，未做Tudor代言人之前，最鐘意同老婆孖住戴勞，咁依加佢又點睇？佢喺活動表示，隨住年紀漸大，加上自己係英國人，所以愈嚟愈鐘意比較Classic的裝扮，手錶也比較喜歡elegant的款式，所以呢隻Glamour Double Date就非常適合佢！代言人就落足嘴頭sell錶喇，唔知大家又點睇呢隻新款？
