【入門VC運動款】雖然Vacheron Constantin一向高門檻，但再高級的品牌，都會推出一兩個入門款吸引錶迷入門！今次介紹的Quai de l’Ile系列，主打年輕特別的設計，洗甩VC向來比較成熟老成的形象，但係性能設計都仍帶有VC的獨特質感，十萬左右的價錢，究竟諗唔諗得過？
就咁睇，好似同一般運動錶冇乜分別；細心一睇，呢隻Quai de l’Ile用咗圓形錶圈＋酒桶形錶環＋枕形錶圈，疊加呈現出三種手錶形態，極有層次感！
錶面設計方面，日期及時分顯示呈同心呈現，從日期圈到小時刻度，數字從小到大向外擴散，令人看得非常舒服，又唔會本末倒置或引致混亂！另外，機芯及底蓋同樣印有日內瓦印記，彰顯VC頂級品牌的身份，證明就算只係入門款，VC亦冇放棄自己的品質保證！
VC獨特的品牌美學的確非常吸引，所以大家不妨跳出圈圈，研究一下大路牌子以外的高級手錶，VC絕對值得考慮～
