Feature

Omega Moonwatch的故事（1）電影《First Man》

Posted on by Mei Chan
16
Oct
聽日放假嘅大家，有冇諗過做啲咩好？作為錶癡，梗係要睇《First Man》（《登月第一人》）啦！

我哋都成日講Omega Speedmaster經過種各項測試、六次登月有幾威，不過始終唔夠影像直接，咁啱今次電影亦忠於真實事件，戴住Omega一齊登月，點可以唔入場支持？

（無劇透）《First Man》呢套電影聚焦並非激動人心的登月英雄，又或者壯麗宏偉的太空任務，而只係登月第一人Neil Armstrong岩士唐背後的故事：Armstrong其實都只係一個有血有肉的普通人，性格平實甚至有啲木獨，家庭存在唔少問題，又面對隨時犧牲的任務，究竟Armstrong點樣應對呢一連串的衝擊？

電影將改寫人類歷史的太空任務變得更真實及人性化，雖然有唔少人直言「有啲平淡」，不過睇慣無悶場商業大片的你，不妨試試用另一個角度睇下登月任務。

而作為忠於真實的電影，在《First Man》電影中，包括Neil Armstrong在內的太空人全數配戴Omega Speedmaster執行任務，就連平時日常生活都會戴住Omega。Armstrong作為阿波羅11號指揮官，講過一句非常著名的說話：That’s one small step for man, one giant leap for mankind.（這是我個人的一小步，卻是人類的一大步），並在降落月球後率先走出太空艙，成為登月第一人，及在月球留下一個腳印。如果用放大鏡睇某部分Omega Speedmaster月相款，會發現月球有呢個小小的腳印，非常像真！

Omega成功獲選為月球錶，自然要歷經一番龍爭虎鬥：NASA篩選咗幾個品牌接受極限下的生存測試，要求非常嚴苛，測試環境包括濕度大於98%、溫度加熱至93℃再馬上降溫到-10℃、重力驟加驟減等等，更須承受猛烈撞擊！

其他品牌出現變形、停止運行等問題，只有Omega Speedmaster成功通過所有測試，所以就獲選為登月手錶，亦有Moonwatch的稱號。

當然，Omega亦夠爭氣，6次登月任務當中也表現得非常出色，在阿波羅13號遇到危機之際，亦依靠月球錶的計時功能曾經逃出生天，難怪直到依加，Speedmaster人氣依然高企。

Mei Chan