唔少人都會問，初入門買邊款IWC好，Rare Rare可以好肯定咁答你，買皮帶款IWC一定冇錯！
點解？因為IWC最出名的Pilot Watch，一向都係以皮革作為經典元素，有型又有復古味，襯鋼帶就有少少跌watt了；至於另外兩個招牌系列Portugieser及Portofino，以平衡優雅的斯文款為主，同樣襯皮帶最fit！
而且，皮帶一向可塑高，dress watch揀皮帶款已經係常識，哪怕係日常活動或者返工返學，皮帶錶亦同樣大方得體，就算行型格風，襯哂皮褸軍褲，皮帶錶亦同樣fit到漏。皮帶惟一一個缺點，就係唔太適合會出汗嘅日子／活動，一向有唔少人投訴夏天出汗戴到條皮帶有異味，咁啱差唔多轉季，又係皮帶大軍出動嘅時候喇！
IWC的皮帶有咩特別呢？佢係由意大利著名的皮具廠Santoni生產，全人手製作，出哂名上色細膩，單係上色已經有七個工序，之後再要剪裁、縫線、修飾皮帶等，相當繁複。所以，唔好以為皮帶就係廉價又簡單，只係因為你未搵到高品質的皮帶咋～
