回歸簡約的日常
Tudor Black Bay 41

好多錶都鐘意玩材質玩撞色,但講到買錶,非玩家嘅錶迷都係會回歸最簡單的日常款,貪佢易襯實用,每日輕鬆戴上手就可以出門,今次介紹的Tudor Black Bay 41就係一個好例子!佢最特別的地方,就係一啲都唔特別,反而吸引咗一大班追求簡約的錶迷~

Black Bay 41 (Ref. 79540)係帝舵17年推出的新錶之一(之前只有36mm版本),不過當時風頭完全被Black Bay Chrono及Black Bay S&G搶去,經過時間沉澱後,好東西總會有人賞識,其實呢隻BB41的人氣相當唔錯,一於睇睇呢隻Black Bay的設計同功能係點!

介乎運動錶與休閒錶之間

Black Bay系列一向主打入門運動款,標誌設計包括雪花針、大錶冠、200米防水等,而79540與其他Black Bay系列的最大分別,就係錶圈冇任何作用,只係固定的磨光鋼錶圈,減低手錶外觀的複雜性,甚至連日期窗都冇,最大限度維持簡約設計,兼具休閒感及運動性。

簡約設計 適中尺寸 

如果大家對Black Bay有一定印象,應該知道BB向來使用圓拱形鏡面,而呢個17年新版本就選用平面藍水晶鏡面,而且錶殻經重新設計,變得更加纖薄,可以輕鬆藏在西裝袖口。

另外,鑑於前作只有36mm,未必合乎現時的大錶潮流,今次特地推出41mm版本,兩個size相信可以滿足大部分人。

樸實無華

就算係基本款,Tudor對任何Black Bay款式都唔敢馬虎了事,79540配備2824自動上鏈機芯,動力儲存達38小時,非常適合每日配戴。另外,二萬左右的價錢相當平易近人,作為入門機械錶就最適合不過喇!