市面超過九成手錶都係中置指針,但總有人甘願逆流,不侷限於傳統包袱,創出一條先河:講緊就係以A. Lange & Söhne、Glashütte Original為首的德國手錶品牌,佢地將偏心設計演化為自己最大的殺手鐧,成功在競爭激烈的手錶市場站穩腳步!偏心設計能夠歷久不衰,當然唔係虛有其表,究竟佢有啲咩優點?
![](https://rarerare.com.hk/wp-content/uploads/2018/09/moon-go2-1400x700.png)
簡約獨特、減低疊針
傳統圓心手錶雖然整齊而規律,不過一旦牽涉太多功能,多加幾個計時盤、動儲顯示、月相盤後,錶面就會變得擁擠不堪,各支或粗或幼的指針不時重疊,就連最基本的時分讀時都有問題。
偏心面的最大優點,就是各個功能界限分明,互不打擾,所有顯示亦都一目了然,就連萬年曆也能最大化利用空間,維持錶面的清爽感,適合喜歡簡約的錶迷。
![](https://rarerare.com.hk/wp-content/uploads/2018/09/moon-go1-1400x700.png)
善用空間
傳統手錶較少變化,但偏心手錶就有大把空間畀設計師好好發揮!不妨跳出框框,可能是利用最外的刻度圈顯示月份、星期,又或是加一個小小的逆跳星期顯示,簡簡單單就能令手錶變得不凡,唔怕做唔到,只怕唔敢做。
![](https://rarerare.com.hk/wp-content/uploads/2018/09/moon-go3-1400x700.png)
對設計、平衡感要求更高
以為偏心只係隨便將各個錶盤亂放就OK?當然唔只,偏心設計的錶面一定要平衡左右兩邊重心,遵守黃金比例,以免側重一邊,令人睇得唔舒服。不過,失去中軸的界線,自然難度倍增,而且就連背後的機芯都要一併配合,若要加上更多功能,需要考量的因素就更多,絕對唔係易事。