唔少品牌都有出月相錶，少至幾萬蚊有交易，高至萬年曆陀飛輪都會見到佢嘅蹤影，可以算係人人歡迎的手錶功能～ 不過，既然嚟到中秋呢個人月兩團圓嘅日子，不妨尋根究底一下，原來月相之所以能夠流傳落嚟，係多得Blancpain嘅功勞，所以亦令Blancpain成為月相的代表詞！究竟當年發生乜事？
Villeret Moonphase Complete Calendar 6654-3642-55B
Blancpain的經典全曆錶，優雅設計配上玫瑰金及啡帶顯得更grand，戴上後能瞬間提升氣質，西裝或斯文衣著必備！
故事都要追溯返去石英危機：當時，廉價卻精準的石英錶捲席全球，傳統機械錶被逼至無容身之所，唔少或複雜或頂級手藝瀕臨失傳。為求復甦鐘錶業，各品牌決定聚焦宣傳瑞士機械錶的優點，而Blancpain就決定保存月相，將全曆月相重新推出人前，訴說月相的優美典雅，亦話畀大家知機械錶的悠久傳統及工藝傳承，係石英錶遠遠追唔上！
當時的全曆月相，亦即係Villeret的原型，成功開啟新時代，各個瑞士品牌紛紛審視自身定位，最後亦終於重拾江山，瑞士錶再次成為鐘錶業龍頭！
Villeret Moonphase Complete Calendar 6654A-1127-55B
新版Blancpain Villeret月相款，日期圈比舊版多了一層銀光，日期星期亦改了字型，最經典的月相盤當然沒有改動，月亮那微妙的表情是Blancpain的代表性設計之一！
直至依加，Villeret仍然維持住經典外型，特別係月相款，獨特的人面月相令人一見難忘，加上典雅的羅馬刻度、纖幼的錶身、流暢的線條，以及精緻的打磨，忠實保留瑞士錶的獨有美學，係月相迷的不二之選。
你未必鐘意呢種優雅的dress watch，但就不得不承認，Blancpain Villeret的確賞心悅目得過份。
Villeret Moonphase Complete Calendar 6263-1127-55B
10.7mm的纖薄錶身下，集合了日期、星期、月份、月相顯示的全曆功能，一貫Blancpain的斯文高貴氣息，白面黑帶亦穩陣百搭。
