Omega一向多搞作，限量款都極有話題性，估唔到今次Speedy Tuesday款竟然係向鹹蛋超人（Ultraman）致敬，勁有驚喜！
唔講唔知，原來1971年的第四輯超人《The Return of Ultraman》（超人歷險記）真係有出現過Speedmaster，成班隊員戴住Speedmaster戰鬥，所以話兩者好有淵源，唔係貪得意整㗎！
早在1967年時，Omega出過一款橙針Speedmaster Ref.145.012，鹹蛋超人作者圓谷英二覺得同超人的服裝非常相襯，加上又挾「月球錶」的盛名，與在宇宙誕生的超人及怪獸都有啲關係，於是在1971年推出的《The Return of Ultraman》，就大量出現呢隻Omega，所以佢向來有「Ultraman」的別名～ 今次的Speedy Tuesday限量款，其實就係復刻呢隻Speedmaster！
咁究竟呢隻錶點樣呈現鹹蛋超人特色？首先3時位置的分鐘計時，頭三分鐘特別用上橙色刻度，代表超人變身只能維持三分鐘；隨錶附送的錶帶更換器是超人變身器Beta Capsule形狀，極有心思；更換器可以發出紫外光，照在9時位置小秒針盤上，嗰個若隱若現的鹹蛋超人輪廓就會變為橙色，非常特別～
繼承Omega一貫精心設計packing的做法，今次六角形灰錶盒極有科技感，錶盒入面印有鹹蛋超人的模樣，擺喺枱做裝飾都完全唔失禮！
如果你對呢隻錶有興趣，都已經冇辦法循官方購買了 因為Omega昨日在Instagram公布今次限量版後，根據官方指，只係用咗短短1小時53分鐘17秒，限量2012隻就已經全部售罄！各位Omega fans，惟有下次緊貼官方IG喇！
歐米茄新限量錶何時會有
Hello Jerry. 多謝查詢。Omega X Ultraman 暫時未可認購，請Keep follow 我地網頁and Facebook fan pages ，我木會持續更新最新消息。THX
好靚，好有興趣。