Grand Seiko 呢個日本品牌，無論設計定做工都處處流露日本嚴謹既匠人精神，同埋東瀛低調奢華既美學，絕對唔輸各大瑞士鐘錶名牌，好多忠實錶迷追隨。
日本人既低調奢華美學，表面睇好簡單，但細睇後面有千千萬萬個個工藝去成就呢個簡單就是美既概念，Grand Seiko 既錶正正秉承呢個精神，機械錶、石英錶精益求精，更推出自家研發、結合機械同石英錶特性既Spring Drive 機芯，指針唔似石英銀咁每秒跳，又唔似機械錶咁滴答滴答咁行，而係靜靜咁滑動，品牌背後大師工藝程度可想而知。
SBGE257G 就係用左Spring Drive機芯
機械錶既工藝就當然厲害，精密無比，品牌引以為豪、超越計天文台(Chronometer) 範疇既精準度，深得錶迷歡心。
SBGJ251G 二十四節氣「春分」機械錶
就算係好多人覺得「手工冇咁勁咁好」既石英錶，Grand Seiko都用行動話你知冇咁既事，品牌既石英錶一樣用同樣嚴謹既哲學，全人手組裝，唔係坊間好多品牌咁用機器自動組裝量產，慢工出細貨，務求每隻Grand Seiko錶既每個細節都做到最好。
SBPG001G (左) / SBPG003G (右) 石英錶
機芯以外，錶面、指針、刻面等每個細位既打磨拋光最可以突顯Grand Seiko低調奢華既風格，遠睇唔搶眼，近睇一望就見到打磨拋光做得有幾靚，非常sharp醒靚仔。日本工藝咩都要以人為本，Grand Seiko唔單止著重隻錶行得準唔準，仲會注意大家平時望錶睇時間果下「眼感」準唔準，所以刻面簡單得黎特別精細平滑。
SBGJ251G錶面
如果話戴勞係成功人士既自豪之選，戴Grand Seiko都可以算係眼光獨到人士既自信之選！Grand Seiko 最近已經進駐 Rare Rare Ltd. 的品牌系列，有興趣不妨睇睇有冇岩心水既錶款型號，即時PM我哋嘅私人手錶顧問 m.me/rarerareltd 查詢價格或密切留意我哋嘅Facebook同IG (@rarerareltd) 產品更新！
所有圖片均取自Grand Seiko品牌官網
