IWC Portugieser係唔少白領文青的首選，最熱門要數七日動儲款Ref.5007，左右雙眼設計大方得體，又配有自家機芯，中階價錢嚟講確實非常吸引！如果你想入手計時款，但又唔鐘意Ref.3714用ETA機芯，不妨睇睇我地推介的Portigueser Classic Ref.3903 ，雖然同樣垂直雙眼設計，不過性能就強得多喇，直情可以媲美Ref.5007！
功能
Ref.3903：自家機芯、時分秒計時、飛返計時、68小時動儲
3903 用緊自家機芯89361，包括時、分同軸計時及秒計時，具備飛返計時系統，動儲亦達68小時，並有日曆顯示及小秒掣停等功能，在不改斯文設計的大前提下，這個計時款確實出色。
Ref.5007：自家機芯、七日長動儲顯示
5007配備自家機芯52010，最吸引莫過於擁有7日長動儲顯示，亦配有日曆顯示，適合喜歡功能簡單實用的錶迷。
設計
Ref.3903：大三針、設計較繁複
3903設計包括高階IWC錶常見的鐵軌式外刻度圈，而且因為承載自家機芯緣故，具備精緻背透，絕對係加分點！其他方面，包括兩個下陷式錶盤、柳葉針、立體時標等與其他Portugieser款差別不大，但因為功能較多的關係，平衡度就略為遜色。
Ref.5007：小三針、設計較平衡簡約
5007冇計時款的複雜，小秒針、動儲顯示、日曆各佔一角，唔會互相打擾，加上整齊的鐵軌式外圈，乾淨澄澈，令人賞心悅目。
